Amlan's Blog

Dost agar rooth jaye, to dard hota hai, Woh agar choot jaye, to dard gehra hota hai. Dost gar door chale jaye, to aawaz nahi pahunchti, gar wapas na aaye, to ek soonapan cha jaata hai. Dost agar gairat ko kuchal de, to lahu beh jaata hai, Gar ghaaw ko raund de, to woh nasoor ban jata hai. Dost agar seene se lag jaye, to jannat mil jaata hai, Gar jaan ka pyaasa ho jaye, fir sab khatm ho jata hai. Ajeeb hai yeh dosti, ajeeb hai iski shakl-o-soorat, Dhadkan se leke rooh tak, sab fanaah kar sakti hai. Ajeeb hai yeh dosti... Anokhe iske taur tareeke...

Naarazgiyan, naadaniyan, nafraten aur muhhabat, Har pehlu zinda tha, har ehsaas jee raha tha. Waqt thama hua tha, saansen tez thi, aur dhadkanen bhi, Kabhi laga hosh me hun, kabhi behoshi ka aalam tha. Nazdeekiyan, dooriyan, tanav aur yeah kashish, Kabhi toofani, kabhi dheemi, hawa bhi rukh badal raha tha. Kuch kahi, aur kuch unkahi, baaten thi bahut, Kabhi andar jala rahi thi, kabhi bahar muskura raha tha. Bahut aarzoo aur thodi ummeed thi, ki do pal hum bhi saath guzare, Tehre rahe badi der tak, woh mera aakhri pal, jaa raha tha...

Aisa koi pal nahi, jab teri yaad aayi nahi, Mushqil hoga tera yakeen karna, kya karun, tera bharosa pane ka koi rasta bhi to nahi. Kareeb se yun guzar gayi, kuch soojha nahi, Kabhi laga apni, kabhi parayi, kya karun, Khwahishon ko fanaah kiya, teri yaad ko nahi. Chal, manzoor hai ki mai tera hua hi nahi, Kahi kis kone, ek adna sa yaad to sahi, Nazron ka to rishta hai, dil ka shayad nahi. Qayamat se waqif hun, tujhse shiqwa nahi, Dost bhi naraaz hain, aur dushman bhi yehaan, Ek pal pe jaan atki hai, koi samajhta hi nahi. Zindagi yun bani ajnabi, ki koi aarzoo bhi nahi, Kabhi hansti mujhpe, to kabhi zor se hansti, Bas jee raha hun, saali zindagi chut'ti bhi nahi.

Kya sochke aye the, Ki kya karenge is pahar. Kya karne chale the, aur kya kar gaye magar. Kadam to chal pade the, Kya pata kahan kis dagar. Pahunch bhi gaye the, Anjaan raste, ajnabi sheher. Saansen to chal rahi thi, Kiske liye kya khabar. Dil bhi dhadak raha tha, Par unko nahi thi khabar. Ummeed to hai yehan, Kya pata milegi kidher. Manzil bhi hai shayad, Kaun jane kab is safar.

Zindagi zindadilli ka naam hai, Par yehaan zinda kaun hai? Log to aise doobe hain gham me, Ki maut bhi sharminda hai. Kho gayi bachpan, kho gaya rooh, Saansen to chalti hai, fakhat ehsaas hai. Zhakhmi dil hai, dhadakne se darta hai, ghaw purane hai, bharne se darte hain. Maut aakhri hai, haqeeqat bhi, manzil bhi, Jaan'ta kaun nahi, par maanta kaun hai? Ummeed to rehti nahi kafn ki, Lekin daud me koi kami nahi hai. Rishte toot'te hain, rishte ban'te hain, Aadmi chalte rehta hai, rukta kaun hai.

Kuch baaten kahi nahi jaati, Sun pao to sun lo, Phir sunai de ya na de. Kuch rishte dobaara nahi jeete, Nibha pao to nibha lo, Phir woh saathi mile na mile. Kuch dost samajh ke bahar hote hain, Samajh pao to samajh lo, Phir woh kal rahe na rahe. Kuch pal anmol hote hain, Jee pao to jee lo, Phirse woh aaye na aaye. Kuch dil aise hi dhadakte hain, Zehen me le pao to le lo, Phir saansen rahe na rahe....

Kabhi to woh socha karti hogi Aisa sochta tha mai kabhi kabhi Phir laga, shayad ek aat baar hi sahi Socha hoga usne mere bare me kahin Himmat kiya ek roz, aur keh daala Hi! Hairaan ho ke boli 'kaun ho tum Bhai?'

Sar se baal chale gaye, aur dil se haseenayen bhi. Umr se jawani chaligayi, aur unki kahaniyan bhi. Kameez se pet nikal aaya, dukhi meri baniyaan bhi. Chehere se guroor chala gaya, aur dekhne walon ki fikr bhi. Zindagi kitni befikr ho gayi, chalte chalte yunhi, waise bhi. Bas do chaar dost mil jaaye, char peg aur kuch chakhna bhi. Phir jawani jaye bhaad me, aur dil ke kisse tel lene bhi.

Aayine se dosti hoti thi kabhi Aaj namuraad dushman ban baitha hai Kabhi galti se nazaren mil jayen agar To chehra kisi aur ka dikhata hai

Baaten thodi kam jaye, to naaraaz ho jati ho. Pyaar thodi kam karun, to katl kar deti ho. Sote armaano ko mere, baar baar jaga deti ho. Chaukhat pe tere jaata hun, to darwaze se lauta deti ho. Aashiq kitne kataar me khade, sabko abtak zinda rakkhe ho.

Dil agar patthar ka ho, to mushqil hai dhadakna. Chot agar gehra na ho, to mushqil hai aansu behna. Bichde agar apne na ho, to mushqil hai tadapna. Aag agar dotarpha na ho, to mushqil hai behekna. Diljala agar khud na ho, to mushqil hai samajhna. Ishq agar junoon na ho, to mushqil hai isko ishq kehna.

Ek roz ki aisi ek baat sunaun Kuch pal jo kabhi bhula na paun Yunhi baaten karte karte Itni kareeb aa gayi thi tum Tujhe saanson me apne Mehsoos karne lage the hum Dhadkanen itni tez ho gayi thi Ki sunai kuch nahi de raha tha Na kashish meri pahunch paati thi Na awaaz tumhari sun pata tha Bas ek marzi ki kami thi teri Warna seene se laga leta tujhe Bas ek baar haan to keh deti Aakhri saans tak nahi chod'ta tujhe

Ab nahi hai, abhi to dekha tha, Kab guzar gaya, ek hi to pal tha. Is pal me kaise rahoon, Itne me kaise sama jaaun. Palak jhapakte ud jaata jo, Phir naya pal le aata woh. Jo beet gaya, woh to guzar gaya, Jo aayega, uska ummeed naya. Jane aur aane ke beech me aaj, Undekha sa, unsuljha sa, koi raaz. Dhoond'un kahaan, isme jeeun kaise, Ek pal hi to hai, jane dun kya aise?

Aarzoo ko meri zinda na rakh'a, jaanta hun, aur maanta hun, na chahat, na zaroorat hun, na wajah koi, samajhta hun. Par saans to usme bhi thi, zindagi to uski bhi thi, maut to hui uski bhi, dafnaya to tha usko bhi. Phir usko kyun ched'te ho, dafnaye ko kured'te ho? zakhm phir bharega kaise? kabr me koi marega kaise? Mili itni humesha tumhe ki, har pyaas se anjaan rahi ho, na kabhi kisi ke liye tadpi ho, na kabhi kisi ki tadap samjhi ho. Kaash ek bar thoda kadr kiya hota, bewajah koi gareeb yun hi na marta, apne mayyat me khud nahi jaata, aur apna janaza khud nahi uthata.

Ta umr jo tum gawa dete ho, jis zameen ko paane ko. Ek tukda ho ya zyada ho, katra katra baha dete ho. Rakt ho ya chahe shwet ho, aakhir ek din tum bhi sunte ho. Tadapta woh tumhe milne ko, ek roz gale se laga lene ko. Apni zameen to tum kho dete ho, na sama pate ho na saath le pate ho. Yeah kaun sa bramh gyaan hai ki, kisi janm me samajh nahi pate ho.

Aaj ek sawaal karne ko man karta hai, Kya pata jawaab mile ya na mile. Aaj ek hisaab mangne ko dil karta hai, Kya pata muafzaa mile ya na mile. Aaj dard batlane ko aansu behta hai, Kya pata sunvayi mile ya na mile. Aaj saza ki wajah poochna chahta hun, Kya pata rihaee mile na mile. Aaj zameen pe sone ko tan kehta hai, Kya pata jagah mile ya na mile.

Thodi si jhooth humne bhi keh daali Thoda sa gunaah humne bhi kar daala Thoda sa dil humne bhi laga diya Aur thoda sa dil humne bhi tod diya Cheezen, samaan sab bikhre pade hain Ghar hai aakhir, koi saraya khana nahi Thoda sa nasha humne bhi kar daala Thodi si jawaani humne bhi kho diya Khaas ban'na kaun nahi chahta Chand ka khwaab kaun nahi dekhta Kabhi taqdeer ki razamandi na thi To kabhi keemat dene me thodi tangi thi Zindagi kab kaise aur kahaan guzar gayi Khabar na thi kab khaas se aam ban gayi

कभी मैं गुज़रा नहीं,  की मुझमे कुछ गुज़र जाता है  कभी मैं रुका नहीं, की मुझमे कुछ थम जाता है  ढूंढ़ने लगा हूँ दोस्तों  खबर नहीं किस चीज़ को  खुद को तनहा पाता हूँ, फिर महसूस करता हूँ तुम सब को  गीले शिक़वे तो होंगे ज़रूर, कोई बूत या फरिश्ता तो नहीं हम  फिरभी रिश्ता तो है, बंधे थे किसी दिन, न टूटे न हुए काम  शायद इसीको दोस्ती कहते हैं, और यह दोस्तों का साथ  करीब हो या दूर, मगर चलते रहे लेके हाथों में हाथ 

जिस श्याम को ढून्ढ रहे हो  वह तो कब की ढल चुकी है  जिस शमा की आस लगाए हुए हो  वह तो कब की बुझ गयी है  दीवानगी में खोटा सौदा कर बैठे  हिसाब न लगा पाए कभी  उम्र गुज़ार दी कब्र पर बैठ कर  की शायद वह उठ जाए कभी  दफनाए हुए को बेडफन करोगे  तो फखत मिटटी ही न पाओगे  दफन मिटटी में हो कोई बदन  या गुज़रे वक़्त के तेरे हो धड़कन  गुज़रा वक़्त कभी लौट के नहीं आता  मिटटी में सोया जो, वह मिटटी ही बन जाता है  यह हकीकत है, कोई कहानी नहीं  ज़हन में लेले इसे, अबयही तुझसे इल्तेजाः है 

Mai likkhun, aur likhte jaun Dard dil ka sunata jaaun Thoda has lun, thoda sa rolun Tum na sunoh, marzi tumhari Bazaar me kuch to mol hoga Chahe halke ho chahe thode bhari Aaj kothe pe bithake to dekhun Bewajah dafn kyun karun Aakhir jaan bhi hai, aur janoon Alfaz mere jo tujhe na chun paaye Kahin koi sharaabi bhi miljaye Nashe me sahi, par wah wah to bhar jaye

Badi berahmi se khud ko mujhse door rakhti ho, Utne hi pyar se apni yaadein bhejti ho magar. Door jane ki koshish karta hun to rok deti ho, Darwaze par baith jaata hun ek aas lekar. Mud ke dekhta hun to nazar nahi aati ho, Dhoond'te reh jata hun ek ummeed lekar. Na samajh aati hai, na rehta hosh thikane, Sab dhundla dikhta hai, aata nahi kuch nazar. Rone ke bahut chaah hai par yeh ho nahi paata, Muskurane ka waqt bhi ab to gaya hai guzar. Badi mehnat se khud ko sambhaalta hun mai, Ek aahat suni tumhari, ki hosh bikhre darbadar. Is kashmakash se kaise niklun, madad karo meri, Zindagi ke baaki pal, yun hi jayenge bikhar .

Humne seekh liya tha jeena, ki khwaab tumne dikha diya. Humne seekh liya tha bhoolna, ki yaad tumne dila diya. Humne seekh liya tha peena, Ki hosh tumne uda diya. Haathon se ret phisal gayi hai, Kya tumne kuch keh diya? Ab to chandni bhi chubhti hai, Shayad tumhe mehsoos kiya... Ab hosh se pare ho gayi hai soch, Apne hisse ki zindagi maine jee liya. Mitti se mulaqat thodi der hai abhi, Khatm hone laga ab, shukriya mere piya.

Bold abhi bald ho gaya, purani hai baat phir bhi char chamber dil hai, WiFi ke saath Barbie gayi doll khareedne, Bali umr me ishq ladane Fiji Raani ne ek muskaan kya bhari Raja ka dil uske kadmon pe aa Giri Darpan devi zumba kar rahi hai Tuition master kabse dwar khade hai NRI seekh rahi yoga seershasan, Nona dhorahe hai biriyani bartan Curly ko khed hai ki bahut padhai kiya Par bold ke saath joint studies nahi kiya Munna ka bukhaar utar to gaya Ek nurse ne usko apna dil de diya Jab se hua Harry ka coco treatment Har kanya se woh always in agreement Ungli Rani uthane gayi hai sundar photo Aaj phir marenge deewane ek do tho Chichu seth church ke peeche gaya, Baingan ke kheti ki, ghar-bar banaya, Udaas laga to ninimon ko yoga sikhaya Hero gaya tel lene, Phir usku hai kapde dhone Tabela pada hai khali Ghodi laga rahi powder laali Darzi pitt raha hai by saali Seea hai usne tangg choli Samba hai filmisthan ka teerandaaz Mithun ka dance aur shabbir ki aawaaz

An ode to Dr Bala, my teacher for 2 years, and my mentor, my friend for 16 years. Aaj aapki yaad aagayi Sir, ki dil thoda bhari sa ho chala Ek ek pal yaad aate gaye, main sochte chala, dekhte chala Kuch rishte aise kyuon hote hai, itne yaad kyuon ate hain Waqt tham kyoun jaata hai, aankhen nam kyoun hojate hain Door daraz se log aate the seekhne aapse, kuch khas kuch aam Deewane socha nahi karte, saath hi khush the, har roz, har shaam Dooriyan itni thi, fark itne the, phirbhi milte the hum Bewajah sahi, fakhat bant'te the thodi khushi, thoda gham Aaj aapki yaad aagayi Sir, ki dil thoda bhari ho chala Beete pal yaad hai mujhe, sochte chala, dekhte chala Happy teacher's day Dr N Balasubramanian!

Kahin husn sunehra tha, to kahin fitrat thi haseen Kahin mitti kam thi, to kahin paani tha zyada kahin taqat thi bharpoor, to kahin maasumiat beshumaar kahin dil tha chota, to kahin dhadkane thi zyada har cheez banai nirali, har jaan me ek alag jaan daali kabhi idher, kabhi udher, kuch kam, kuch zyada aaj saath hai, kal nahi, aaj mile hain, kal kahin musafir hain sabhi, koi chale kam, koi thoda zyada Koi husn ka deewana, to koi koi khuda ka parvana nashe me hai har rooh, koi kam to koi thoda zyada har pal, har saans, har dard, har khusi, jee le mere yaar jeete to hain sabhi, koi thoda kam, koi thoda zyada

तू नशा है मेरी  मेरा हर कतरा तुझमे डूबी है  एक बार जो तुझे चाहा  उम्र कम लगने लगी है  तेरा हुस्न, तेरी आँखें  तेरा कशिश, तेरा ज़हन  न ढली, न बदली  गवाह हर सांस हर धड़कन  तू दर्द है मेरी ज़िन्दगी का  एक मीठी खंजर  दवा, दुआ, लाख कोशिशें की  कम न होती मगर  तू हकीकत है, वहम है  या सपना कोई ? ऐसा मुझमे समायी क्या रूह है तू कोई? एक एहसास है, एक आहट है एक हिस्सा है मेरा तू  सच तो हो नहीं सकता   शायद एक ख्याल है तू 

Ishq ki tarruff karaun aaj ho gar teri razamandi dooba har pal isme hai ek zindagi ya to ek sadi Har pehlu anokha, har ek ke andaaz nirala Iske raaz bhi bhari, jisne dil me hai paala Jin aankon ko dekh ke dhadkan tham jaye, Unhi ke aansuon ko dekh ke saanse ruk jaye Jis ke deedaar ke ummeed me zindagi chali aaye Usi ko dekhte hi pal bhar me zindagi chali jaye Dard ka ehsaas hota na ummeed hoti khushi ki Ek nasha reh jata hai khali, bas fanaah hone ki

Na dhadkanon ko paas aane diya na kabhi meri aah ko kareeb guzarne Aate bhi to tere dil ko kuch na hota Na kuch andar jata, na kuch bahar aata Teri har aahat pe ek ummeed jaagta raha Badi shiddat se main unko dafn karta gaya Mahv-e-hairat hun, ki dard jawaan hoti rahi Khabar hi na rahi, aur ek zahaan ban gaya Silsila chalte ek zamana guzar gaya Har mod pe maine bhi dard tujhe diya Ummeed phirse hai, ek bar maafi maang loon Seene se lagalun aaj , ek saans to jee loon Mahv-e-hairat = Lost in wonder, wonder struck

Deevangi bhi ek anokhi wahem hoti hai Banjar dharti bhi samandar lagti hai Najane kitne zamane beet gaya par Mai baitha raha har roz, sham o seher Ilzaam tujhe kitna bhi doon mere yaar Umeed lagaye jo dil wohi gunehgaar Mai kis tarah apne aansu tujhe dikhata Dard bhi to apnon ko hi diya jata Tu chahe kitna bhi kam muskurade Dil to wohi dekhe, dhadke jis umeed pe Chand ki roshni se aashiyan jal gaya Zibdagi ka ye hissa lateefa ban gaya

Na khabar thi, na socha tha kabhi Kin yaadon ke safar me bitha diya aapne. Ek tasveer ke zariye guzra waqt mehsoos karwa diya aapne. Kuch aansu kuch muskaan, Khudse se rooh baruh karwa diya aapne!

Hai Sacchai aapki aawaaz mein itni Har shabd aapki eet si buland jitni Aeeb tamasha yeh suniye to sahi Aapki awaz wahan tak pahunchti nahi Woh kadr kya jane, jisne jaan le lee Kuch alfaaz ke, jisme aapne jaan daal dee Naaraaz na hoiye meri aawaaz ka Ki main bhi rota hun in haalaat ka

Agar aisa hota, agar waisa hota, Ye soch ke dil kabhi nahi bharta Manzil kahin aur hoti, safar kuch aur hota, kya pata, phirbhi dil nahi bharta अगर ऐसा होता, अगर वैसा होता यह सोच कर दिल कभी नहीं भरता मंज़िल कहीं और होती, सफर कुछ और होता क्या पता, फिरभी शायद दिल नहीं भरता

Paak-e-mizaaj, fitrat noorani, chehra musqurata, shehed zubani Aant me ranjish, Seene me nafrat, Zubaan pe baddua, manzil hai shahadat Itni nafrat, intni zeher, itna zidd Tere safar ka manzil hai bas raakh Na khauf Khuda ka, na fikr insaan ki Tere tukde mitti ke, meri wahi khaakh Tu ek sawaal hai kabse adhoori Jiska jawaab shayad kabhi na ho poori

Badi galti ho gayi, maafi kisse maangun Saalon guzar gaye, samjhane kisse jaun Chehre ki deewangee, purdah pe phisal gayi Haqeeqat se unjaan, pacchees saal guzar gayi Jab jab maine tujhse iqraar kiya Tab tab maine muhhabat ka tauheen kiya Aaj gham nahi hai ki tune mujhe nahi chaha Aaj fikr hai to bas yeh ki maine tujhe kyun chaha Jisne jaan daaldi kadmon pe, uski fikr kahaan thi Aaj sochun dil se, khudah mere kitne kareeb thi Adhbhut khel hai yeah nirala, tera rachaya Har pal ki aahat hai, maine sun nahi paaya

यह धरती तुम्हारी, यह आसमान तुम्हारा  पानी, पवन और मिटटी, सब तुम्हारा  कितना और बांटोगे, कितना और काटोगे हर तलवार तुम्हारी, हर खंजर तुम्हारा  अब रुक भी जाओ, थक भी जाओ  यहां ज़िन्दा हर सांस भी तुम्हारा  जी लो हर पल, बनो किसीका सहारा  मिटटी का हर टुकड़ा भी तुम्हारा  किस रूहानियत से नाम खुदा का लेते हो  उतने ही शिद्दत से खून इंसान का बहते हो  कहते हो जीने का हक़ नहीं उसको  मानो शैतान ने पैदा किया हो उसको  धरती पर यह तांडव रचाते हो  क़यामत में हूर की उम्मीद रखते हो  पलक झपकते ज़िन्दगी गुज़र जाती है  प्यार समेटने में उम्र बीत जाती है  नफरत का समंदर जो रक्खे फिर रहे हो,  अपने सीने में आखिर कैसे समाते हो 

Badi galti ho gayi, maafi kisse maangun Saalon guzar gaye, samjhane kisse jaun Tere deedaar ki chahat me umr nikal gayi Zindagi meri mujhse kahin door chali gayi Jab jab maine tujhse iqraar kiya Tab tab maine muhhabat ka tauheen kiya Aaj gham nahi hai ki tune mujhe nahi chaha Aaj fikr hai to bas yeh ki maine tujhe kyun chaha Jisne jaan daaldi kadmon pe, uski fikr kahaan thi Aaj sochun dil se, khudah mere kitne kareeb thi Ajeeb raste, ajnabi manzil, ehsaas zaroor hua Har pal ek aahat thi magar, kabhi sun na paaya

Naaraaz na hona, ek din ki baat sunaun Kuch khatte, kuch meethe, angoor dilaun alfaaz bhaari, Dumbell bhaari Sunke ekdin, hosh udgayi saari Phir kya bolun, aagayi Didi humari Gyan ki aisi hui bhari barsaat Dimag ke purje bikhre akasmaat! Nau se barah, Theatre humara Cinema dikhaye, yog sikhaye aadha adhura, kasak ek hai pyara Gyanijano ki pungee bajaye chupa rustom Bawaji saath de to karde sabke bum me dum Gurujee hain Arthshastra ke gunee Har vishaya me unki Bahattar tippani Gyan me doobke hum hue poornatah rinee Chawal, dahi, kela, roop iska albela Thoda muskaye, thoda sharmaye Halke phulke shabdon me sabki pol khol jaye King of Congo, khaki chaddi dhari Visphotak mantri ek mahaan gun dhari Bangladesh se tel ki khaan nikali Five S ki inhone maa behen kardali Isi baat pe yaad aaye sharmajee Haanjee, naajee, Dilli ke hain jee Bawajee bulaye Macchar pehelwaan Keju ke aangan me isne daali dukaan Yeh hai roz marra ki kahaani Sun lee aapne meri zubaani

O like, and o dear dislike Why do you come so very alike? The bigger you are, so is my ego The stronger you are, so it is to let go O like, and o dear dislike Why do you come so very alike? In my mind you make it so clouded I add more and ensure I am hounded O like, and o dear dislike Why do you come so very alike? O what peace when you are not around Life is the moment, joy so abound O like, and o dear dislike Why do you come so very alike? So strong you are and always so right Invariably I end up in a fight O like, and o dear dislike Why do you come so very alike? Just experience it, says the Mystic Logic finds it a clue so cryptic O like, and o dear dislike Why do you come so very alike?

Project midway, river to cross, machines to shift Great bureaucracy, zero support, crisis at large Incessant rains, mosquitoes and the forests He thinks, he decides, and he acts Like a general in the battlefield, he thunders Worker, supervisor, chief engineer, at hilt Within couple of hours, a bridge is built That's the man, that's the leader, alias the Tiger No greater burden can a man's shoulders carry Than of his own child, onto his final journey whose hands he had held and taught him to walk drove twelve hours to see him never walk again The years of labour, the medicines, and the pain Suddenly everything was lost, raison d'être lost Life gave it to him, but he went on undeterred That's the man, that's the father, alias the Tiger Transformer, Generator, powerhouse and dam His project, his people, and their welfare His life, his passion, his existence for years Dates, time, meals and sleep, literally forgotten He moved like a conqueror, li...