Dhalti Shaam

Ek dhalti hui shaam,
ek bharta hua zakhm.

Ek pighalti muhhabat,
ek choot'ti hui aadat.

Ek toot'ti hui shaakh,
bikharte armanon ki raakh

Ek kahani jo sahi hai,
lagti kyon jhoothi hai.

Ek raah jo nazar aayi hai,
kyon dhundla lag raha hai.

Yeh rutbe ki daud,
yeh daulat ki bhookh.

Yeh haysiyat ka guroor,
aur is guroor ka nasha.

Ek mod pe jashn-e-shehnai,
aur dusre pe zakhm-e-taanhai.

Ajayab ghar hai jazbaaton ka,
fakhat chehera hai insaanon ka.

Ek pal masihe ka,
doosra napaak iradon ka.

Ek hi banda khuda ka,
phir darmiyaan kyon dil aur dimaag ka.