Hum

alag hain utne, jitni haath ki rekhayen,
na fakr, na fikr, na sharmindagi hui kabhi.

kabhi sahi hum, aur kahin ujale hote hain,
kabhi galat hum, aur andhere cha jate bhi.

Kabhi dil laga baith'te hain baithe baithe,
aur usiko bewajah tod bhi dete hain kabhi.

Kabhi has dete ek dusre par, aur rula dete,
phir khud hasi ban jate, hasene ko kabhi.

Muhhabaten, nafraten, dosti aur dushmani,
bade shiddat se nibhate hain hum sabhi.

Khayalat chahe kitne bhi na mile humare,
saath baithke chai zaroor peete hum sabhi.

Gile shikwe choot'te mushqil se hai,
kabhi jald kabhi der tak reh jate hain.

Koi ek kos, to koi meelon chale jaata hai,
door to sab jate hai, dard to hota hai kabhi.

Rishte chahe muskurayen ya bikhar jayen,
Buniyaad ke tukde na badle the kabhi.

na badlenge abhi...