for the doctor, who wasn't

Ek shikari ek anadi, mile kahan pe? jeevan pahadi!
Chatur shikari bada khiladi, mand buddhi pareshaan anadi!

Bhatka ek din yeh savaari, milgaye kayi lomdi vyapari!
Lomdi bole chacha shikari, hum aapke hai bade pujaari!

Tum to thehre teerandaz, tumhare nishane ka kya hai andaaz!
Teeter bater pe jaan kyon haari, aao shikaar kare kuch bhaari!

Sone ki hiran pe nazar humari, pakad me aati nahi kunwari!
Humko apna kartab dikhao, tumko dilayen narangi karari!

Shikari socha wah bhai wah, kaisa mauka aaya is subah!
Teer kamaan se nikli bhaari, phas gayi dekho hiran bechari!

shuru to ho gayi kahaani, par dharti par baras gayi paani!
Jangal ko kuch aur tha manzoor, khatte ho gaye the angoor!

Lomdi vansh pe shraap lagi thi, keval hiran se bhook na miti thi!
Shikar karte thak gaya chacha, lomdi seva me baj gaya baaja!

Aisi baarish hui jo tagdi, teer kamaan pe baithi makdi!
Narangi ne rang dikhaya, phepda kaleja sab ko khaya!

Shikari ko aayi buddhi, nikla woh karne shuddhi!
Ek shikaari ki kahaani, sunlo anaadi ki zubaani!

Comments

Post a Comment

Popular posts from this blog

Thodi si

Thodi si jhooth humne bhi keh daali Thoda sa gunaah humne bhi kar daala Thoda sa dil humne bhi laga diya Aur thoda sa dil humne bhi tod diya Cheezen, samaan sab bikhre pade hain Ghar hai aakhir, koi saraya khana nahi Thoda sa nasha humne bhi kar daala Thodi si jawaani humne bhi kho diya Khaas ban'na kaun nahi chahta Chand ka khwaab kaun nahi dekhta Kabhi taqdeer ki razamandi na thi To kabhi keemat dene me thodi tangi thi Zindagi kab kaise aur kahaan guzar gayi Khabar na thi kab khaas se aam ban gayi
Read more

Yehaan Ke

koshishen to ki thi magar, himmaten bhi dikhai thi, khamiyaan shayad reh gayi, daaman humari choot gayi. kushti ke akhade me the hum, daav pech bhi seekha humne, shayad bhookh thi thodi kam, ki yehaan ke ho na paye hum. yeh jeet ka kaisa mahol hai, yeh siqast ka kaisa shab-e-gham, na raas aaya, na zehen me aayi, ajnabi chehere, ajnabi sheher ho gayi. badi zillaten hui, bade beaabru hue, muskurana abhi bada mushqil hua, zahaan zaroorat meri, chala jaun abhi, do roti mil jaye, bas yehi dua hai abhi.
Read more

Kya Hota?

Haasil se thoda guroor hota hai, aur guroor ka kad ooncha hota hai, zyadatar log use baune lagte hain, aur unka fan lateefa lagta hai. Kya hota gar shayar shayar na hota, sher nahi, degriyaan hoti, padak hote, izzat, shohrat aur aapsa rutba hota, na hota tamasha na woh rusva hota. Shayar to deewaana albela hota hai, dard se ranjish nikalke labz pirota hai, diljala hai, kisi ke liye bhi ro padta hai, aap haste raho, isiliye likhte rehta hai.
Read more